Pam Mae Profiad Bywyd yn Bwysig
Nid dim ond arfer da yw cynnwys pobl gyda phrofiad bywyd—mae'n hanfodol ar gyfer creu gwasanaethau a pholisïau effeithiol. Pan fyddwch chi'n cyflwyno safbwyntiau gwerthfawr y rhai sydd wedi profi eich gwasanaethau'n uniongyrchol, rydych chi’n elwa o gael:
- Gwybodaeth ddyfnach am sut mae eich gwasanaethau'n gweithio ar lawr gwlad
- Atebion mwy perthnasol a hygyrch i broblemau cymhleth
- Gwell hygrededd ac ymddiriedaeth gyda’ch cymunedau
- Dulliau arloesol y gallai arbenigedd academaidd yn unig eu colli
Fel mae ymchwil wedi dangos, "Mae'r bobl a'r teuluoedd sydd â phrofiad bywyd o wasanaethau yn ffynhonnell hanfodol o wybodaeth am sut i wella'r gwasanaethau hyn.”
E-bostiwch am fwy o wybodaeth: janice@footholdcymru.org.uk
Ein Gwasanaethau Cefnogi Cynhwysfawr
Gwerthuso
Byddwn yn gweithio gyda chi i werthuso eich dull presennol a datblygu strategaeth wedi’i theilwra ar gyfer cynhwysiant ystyrlon.
Strategaeth
Bydd ein tîm yn eich helpu i symud y tu hwnt i ymwneud symbolaidd i greu partneriaethau gwirioneddol.
Cynhwysol
Byddwn yn gweithio gyda chi i greu amgylcheddau gwirioneddol gynhwysol.
Tegwch
Byddwn yn eich cynorthwyo i ddatblygu strwythurau talu a systemau cydnabod teg.
Ymgysylltu
Bydd ein tîm yn eich helpu i ddylunio a gweithredu prosesau ymgysylltu hygyrch fel y gallwch gyrraedd y bobl iawn.
Mannau Diogel
Byddwn yn eich cynghori ar sut i greu mannau diogel ar gyfer rhannu profiadau a straeon bywyd.
Ein Dull Ni: Mynd Y Tu Hwnt i "Gynhwysiant Rhithiol"
Mae llawer o sefydliadau'n honni eu bod yn gwerthfawrogi profiad bywyd ond yn methu â chreu'r strwythurau angenrheidiol ar gyfer cyfranogi ystyrlon. Mae hyn yn creu'r hyn a elwir yn "gynhwysiant rhithiol " lle mae pobl yn "cael eu gwahodd i ystafelloedd ond heb gael eu clywed mewn gwirionedd."
Yn Foothold Cymru rydym wedi bod yn cydgynhyrchu a chydlunio cyn i'r arferion hyn ddod yn ffasiynol. Mae'n rhan o'n DNA.
Rydym ni’n ymrwymo i helpu eich sefydliad trwy:
- Sicrhau bod profiad bywyd yn dylanwadu ar benderfyniadau ar bob lefel
- Creu strwythurau rhannu grym go iawn
- Sefydlu polisïau tryloyw ar gyflog teg
- Gweithredu mecanweithiau cymorth emosiynol
- Mynd i’r afael â gwahaniaethau ethnig ac eraill lle mae profiad bywyd yn werthfawr
E-bostiwch am fwy o wybodaeth: janice@footholdcymru.org.uk
