Ers agor Llyfrgell Beiciau yng nghanol 2024, mae’r llyfrgell wedi derbyn 92 o feiciau hyd yma gan aelodau o’r cyhoedd fel rhan o’n hymgyrchoedd rhoi. Mae beiciau o bob math ac mewn amrywiaeth o gyflwr wedi cael eu rhoi, gan arbed 1,196KG o wastraff beiciau rhag mynd i safleoedd tirlenwi.
Drwy’r prosiect, mae’r mecanig beiciau wedi llwyddo i atgyweirio 40 o’r beiciau hyn, ac maent bellach wedi’u hychwanegu at ein rhestr fenthyca feiciau am ddim. Mae 14 o feiciau ychwanegol wedi cael eu rhoi i aelodau’r gymuned sydd angen beic, ac mae’r rhoddion sy’n weddill naill ai’n aros am rannau, wedi’u hailddefnyddio ar gyfer darnau sbâr, neu wedi’u dadosod a’u hailgylchu’n briodol.
Gyda sawl mis o’r prosiect ar ôl a rhoddion yn parhau i ddod i mewn yn wythnosol, disgwylir i’r nifer hwn barhau i gynyddu. Mae’r prosiect yn dangos pwysigrwydd cael dull addas ac ymarferol o roi beiciau diangen, ynghyd ag ymrwymiad gan y cyhoedd i roi beiciau mewn ffordd fwy cyfrifol pan roddir y cyfle iddynt.
"
Mae unrhyw feiciau na ellir eu hatgyweirio yn cael eu dadelfennu’n rannau cydrannol i’w hailddefnyddio. Gellir defnyddio rhannau sydd mewn cyflwr da wedyn i atgyweirio beiciau eraill – nid yn unig mae hyn yn arbed arian ar brynu rhannau newydd, ond mae hefyd yn atal eitemau defnyddiol rhag mynd i dirlenwi. Mae dros 27 o feiciau wedi’u hatgyweirio fel hyn heb yr angen am rannau newydd.”
Toni Curtis
Bike Library Bike Mechanic.
"
Mae’r ymateb gan y gymuned i’n Llyfrgell Feiciau wedi bod yn anhygoel! Nid yw pobl yn benthyca beiciau wedi’u hadnewyddu ar gyfer mynd i’r gwaith, yr ysgol, neu at ddibenion hamdden yn unig—maen nhw hefyd yn rhoddi beiciau fel y gall rhywun arall eu mwynhau, neu fel y gellir rhoi ail fywyd iddynt.”
Charlotte Harverson
Events Coordinator/Cydlynydd Digwyddiadau & Project Officer
