Swyddi Gwag
Rydym yn ymfalchïo mewn bod yn sefydliad proffesiynol cyfeillgar, wedi'i arwain gan werthoedd. Rydym yn angerddol am gefnogi unigolion a chymunedau i ddefnyddio eu sgiliau, eu gwybodaeth a'u profiad; gan adeiladu cymunedau caredig, cynaliadwy a chydlynus
Rydym am recriwtio pobl sy'n adlewyrchu ein gwerthoedd a'n hawydd i sicrhau newid cadarnhaol.
Bydd pob gweithiwr newydd yn derbyn:
- cyfnod sefydlu cynhwysfawr dros eu 12 mis cyntaf
- hyfforddiant sy'n adlewyrchu'r sgiliau unigol sydd eu hangen ar gyfer eu rôl
- cynllun pensiwn
- polisïau sy’n ystyriol o deuluoedd e.e. gwyliau dibynyddion a gweithio hyblyg
- hawl i wyliau blynyddol hael
I gael rhagor o wybodaeth am ein holl swyddi gwag cyfredol, lawrlwythwch y disgrifiad swydd a manyleb y person perthnasol.
Porth Gwyrdd – Green Gateway: Cyfleoedd Gwaith Cyffrous
Ysbrydolwch a chefnogwch bobl ifanc i adeiladu gyrfaoedd gwyrdd ledled canolbarth a gorllewin Cymru! Ydych chi’n frwdfrydig am gynhwysiant, cynaliadwyedd, a gwneud gwahaniaeth ystyrlon ym mywydau pobl ifanc? Mae Porth Gwyrdd yn fenter arloesol bum mlynedd dan arweiniad Foothold Cymru, mewn partneriaeth ag Antur Cymru, Menter Gorllewin Sir Gâr, a PLANED. Rydym yn chwilio am unigolion deinamig ac ymrwymedig i ymuno â’n tîm a helpu i greu dyfodol mwy cynhwysol i’r rheini sy’n 16–30 oed sydd yn anabl ac/neu o gymunedau ethnig lleiafrifiedig, trwy gyfleoedd yn yr economi werdd. Mae disgrifiadau llawn y swyddi a’r manylebau person ar gael i’w lawrlwytho o wefannau Foothold Cymru a’I bartneriaid, lle mae hefyd gyfarwyddiadau ymgeisio. Y dyddiad cau ar gyfer ceisiadau yw Dydd Llun, 16fed Mehefin am ganol dydd.
Sut i Wneud Cais:
Anfonwch CV (hyd at ddwy ochr A4) a llythyr cefnogol sy’n nodi eich diddordeb yn y rôl a’ch addasrwydd ar gyfer y swydd. Mae pob swydd wedi’i lleoli yng Nghanolbarth a Deorllewin Cymru, gydag opsiynau gweithio hyblyg a hybrid ar gael ar gyfer sawl rôl. Ymunwch â ni a byddwch yn rhan o brosiect blaengar sy’n galluogi pobl ifanc i gael mynediad i gyfleoedd yn yr economi werdd, gan helpu i adeiladu dyfodol mwy cynaliadwy a chynhwysol i Gymru.
Os oes gennych unrhyw gwestiynau neu os oes angen mwy o wybodaeth arnoch, cysylltwch â ni: hr@footholdcymru.org.uk