Mae Prosiect Coedcae Grow yn Dathlu 1 Flwyddyn o Lwyddiant

Dathlodd Prosiect Coedcae Grow fel rhan o Brosiect Full Circle Foothold Cymru gwblhau blwyddyn gyntaf y prosiect yr wythnos hon!

Dathlodd y prosiect, sy'n canolbwyntio ar dyfu bwyd cynaliadwy, drwy dyfu a chasglu'r llysiau olaf a dyfir eleni!

Mae'r menter hon yn defnyddio garddio a thyfu bwyd nid yn unig i ddysgu sgiliau ymarferol newydd ac i gysylltu myfyrwyr â natur, ond hefyd i adeiladu hyder ac i ymestyn dealltwriaeth o sut gellir tyfu bwyd da, maethlon yn hawdd ac yn fforddiadwy.

Mae'r prosiect wedi ennill momentwm yn gyflym. Mae myfyrwyr wedi dangos brwdfrydedd, gan groesawu'r cyfle i ddatblygu sgiliau ymarferol mewn amgylchedd dysgu llai ffurfiol.

Mae'r prosiect hefyd wedi gweld cefnogaeth gymunedol wych, gan gynnwys rhodd hael o gompost Hud Merlin gan Cwm Environmental a chynnig offer, tŷ gwydr, a storfa offer.

 Mae'r allgymorth yn parhau wrth i ni adeiladu rhwydwaith 'ffrindiau'r prosiect' i sicrhau cynaliadwyedd tymor hir, yn enwedig dros gyfnodau gwyliau pan nad yw'r myfyrwyr yn gallu cynnal y gerddi.

Mae cynlluniau'r dyfodol yn cynnwys mwy o deithiau addysgol i feysydd a mannau natur eraill wrth i adnoddau ganiatáu.

Gobaith yw parhau i ehangu'r ardaloedd tyfu o fewn tir ysgol Coedcae, gyda gwirfoddolwyr myfyrwyr cyfredol yn cymryd rhan mewn rolau arweinyddiaeth.

Os ydych chi neu eich sefydliad eisiau ymuno â 'ffrindiau prosiect tyfu Coedcae' cysylltwch â Nick yn Nick@footholdcymru.org.uk