Prosiect Future Changemakers yn Cefnogi Digwyddiad Ieuenctid Lleol

Ar ddydd Iau 12fed o Fawrth, mewn cydweithrediad rhwng Cyngor Ieuenctid Sir Gâr, Cyngor Sir Gâr a Foothold Cymru, cynhaliwyd digwyddiad ‘Cwrdd â’r Ymgeiswyr’ i bobl ifanc 16-18 oed yng Nghanolfan Halliwell yng Nghaerfyrddin.

Pwrpas y digwyddiad oedd rhoi cyfle i bobl ifanc gyfarfod a holi’r ymgeiswyr ar gyfer etholaeth Sir Gaerfyrddin yn Etholiad y Senedd ym mis Mai.

Gwelodd digwyddiad Hystingau’r Ieuenctid dros 40 o bobl ifanc yn bresennol, yn cynrychioli ysgolion a grwpiau cymunedol ledled Sir Gâr.

Cwestiynwyd yr ymgeiswyr am faterion pwysig a chaniataodd i’r bobl ifanc gael profiad uniongyrchol o’r broses ddemocrataidd.

Ymhlith y meysydd trafod roedd cefnogaeth trafnidiaeth gyhoeddus i bobl ifanc, gwasanaethau’r GIG gan gynnwys hygyrchedd ac amseroedd aros, pryderon ynghylch ffioedd dysgu, Mewnfudo, Amaethyddiaeth a Ffermio. Yn ogystal â rhai materion gwleidyddol mwy lleol ac ehangach.

Rhoddodd y digwyddiad gyfle i’r genhedlaeth nesaf o ddinasyddion Sir Gâr fynegi eu barn a defnyddio eu llais dros newid.

Dywedodd un o fynychwyr ysgol Maes y Gwendraeth:

"Roedd yn wych cael cyfle i siarad ag Ymgeiswyr y Senedd o bob plaid wleidyddol. Roedd yn ddiddorol iawn cael barn gwahanol bleidiau ar faterion sy'n bwysig i mi."

Cefnogwyd y digwyddiad gan ein tîm Future Changemakers, prosiect sy'n ymroddedig i ymgysylltu pobl ifanc yn y broses wleidyddol a rhoi hyder iddynt fynegi eu barn ar bynciau sy'n bwysig iddynt.

Llongyfarchiadau i bawb a oedd yn rhan o'r digwyddiad.